疑似周永恒與小三淫照流出 趙頌茹出聲明︰需要安靜地療傷

自從爆出周永恒推撞趙頌茹，令佢下巴同面部受傷縫三針嘅新聞傳出，呢件家暴事件每日都有新進展。今日有傳媒話喺某大討論區，搵到疑似係周永恒自己上載同小三助手劉依靜(Ruby)嘅淫照。

話說有人開post分享同小三嘅自拍慾照，而淫照女主角同Ruby外型相似︰相中人同佢咁啱左手上面都有粒墨，Ruby亦曾經著過同相中女主角同款嘅紫色裙嚟影相，不禁令人有所聯想。而該批慾照內容相當大膽，有制服誘惑、有野戰，甚至喺公眾地方裸露；更有人喺只授權會員嘅情色網搵到兩人嘅情慾短片，有冇搞錯啊！

之但係Ruby剛剛喺微博否認咗係相中人，仲話已經交由律師處理並保留追究權利，其他一概不作評論及回應。

 另一邊，趙頌茹心情平復後，接受傳媒電話訪問，承認當日周永恒打自己，係因為佢發現左周永恒同Ruby嘅婚外情，更指兩人婚外情關係已長達一年多，真係令人心酸。

趙頌茹更喺今日下午發聲明，希望事件盡快畫上句號，內文如下：

「致各大傳媒朋友 ：

 多謝各位記者朋友們連日來的慰問與祝福，在此我衷心向大家說聲感謝，感謝你們每一位的慰問及禱告，你們的支持與鼓勵實在非常重要，我亦會一一放在心裡。

 而這段時間我真的需要安靜地療傷，知道朋友們都擔心我的情況，請放心現在我是安好的，很感恩有家人及弟兄姊妹的愛、支持和禱告，令我可以重新得力，只是作為母親唯一令我最記掛的就是一對女兒，但基於現在狀況，實在別無選擇，因為我絕不願意令小朋友再增添任何傷害，因此我希望事件盡快畫上句號，我亦會努力，快快回復健康的身、心、靈，繼續上路!

祝福大家

主內

趙頌茹

3-9-2014

」

圖片：微博