陳冠希一家拍代言照片感覺詭異 被網民指現老態：老坑扮潮人咁款

現年41歲嘅陳冠希（Edison）當年出道集「型英帥靚正」於一身，加上識得著潮牌打扮，迷倒一眾少女，不過喺2008年艷照事件後，形象直插谷底，漸漸減少幕前工作。自從榮升人父後，陳冠希經常喺社交網站上載與老婆及囡囡Alaia嘅溫馨照片，成功轉做暖男爸爸。

喺噚日（4日），陳冠希喺社交網站上載咗一家三口代言日本品牌嘅照片，照片中佢哋均穿上秋冬衣服，及目無表情咁望住鏡頭，俾人一種時尚又冷酷嘅感覺。唔少網民睇完照片後佢哋張相影得好好睇，及話Alaia長大咗唔少，不過同時亦有網民話呢張相好詭異及Edison被批出現老態，留言話：「這照片看起來好詭異」、「陳冠希你老了，但是你的女兒已經超越你的肩膀。肯定比你更優秀。」、「肉眼可見的老了啊冠希哥」、「用不用這麼嚴肅啊」、「其實佢呢啲樣係唔襟老」、「佢依家真係好X殘 啲皮鬆到」、「明顯真係保養問題，好似卡士蘭咁老佢咁多，但反而睇落仲後生過佢」及「老坑扮潮人咁款」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！