雅虎香港新聞 
簡易食譜！自製日式芝麻豆腐+中式菠菜豆腐
之前九龍香格里拉大酒店嘅公關小姐邀請我到香宮跟師傅們學整豆腐，而且中式同日式嘅豆腐都學齊，對於一向愛吃豆腐嘅我真係好開心！重點係，呢兩款豆腐都好易整架！
呢兩款豆腐分別係有機菠菜豆腐同日式芝麻豆腐， 食落最大嘅分別，係前者有蛋及豆漿嘅香味，味道清淡得嚟好香滑，我同爸爸都非常喜歡，而後者則有頗濃嘅芝麻醬及木魚味，老公一食就大叫好味，所以我一當然要同大家開心share呢兩個食譜！
自製有機菠菜豆腐 （六位用）
製作有機豆漿材料： 有機黃豆（80 克） 水（720 克） 製作有機菠菜豆腐材料： 自製有機豆漿（560 克） 菠菜碎（80克） 美國有機雞蛋（5.5 隻 ） 調味料： 雞粉（少許） 鹽（少許） |
製作有機豆漿步驟：
1. 將有機黃豆沖水洗淨，加入清水（浸過黃豆面），然後置於雪櫃浸泡 6 至 8 小時。
2. 取出黃豆隔去水分後，將黃豆沖水洗淨並瀝乾水分。
3. 於攪拌機加入黃豆及清水，攪拌成黃豆糊。
4. 把黃豆糊倒進過濾紗布袋，再用手搾出生豆漿汁。剩餘的豆渣可留起作肥料 / 加入醬料或豆鼓炒香，咁就唔會浪費啦！
5. 將生豆漿汁倒入鍋中並不停攪拌，加入調味料後以中小火煮滾，冷卻備用。
p.s.如果想方便啲，可以現成的無糖豆漿代替啊。
製作有機菠菜豆腐步驟：
1. 將雞蛋打勻後，加入自製有機豆漿，拌勻及調味後以隔篩過濾。
2. 在蒸盤上放一張保鮮紙，然後倒入豆漿。
3. 用手搾出菠菜的水分，然後將菠菜倒進豆漿內，拌勻後再用保鮮紙包裹蒸盤。
4. 水滾後轉中細火將豆漿蒸 13 至 15 分鐘即成。
日式芝麻豆腐（一位用）
製作麻豆腐材料： 芝麻醬（180 毫升） 鰹魚水 （1260 毫升） 葛粉（110 克） 調味料： 淡口醬油（少許） 砂糖（少許） 山葵（少許） 自家製「美味汁」： 鰹魚水（120 毫升） 淡口醬油（20 毫升） 味醂（20 毫升） 鰹魚花（12 克） |
製作「美味汁」步驟：
1. 混合醬油、味醂及鰹魚水並煮沸。
2. 加入鰹魚花後熄火，拌勻後製成「美味汁」。
製作芝麻豆腐步驟﹕
1. 將葛粉加入鰹魚水中攪溶。
2. 將混合了葛粉的鰹魚水（步驟一）煮沸，加入芝麻醬後慢慢攪拌約15分鐘。
3. 加入砂糖及醬油，然後倒進方形盤子，放入雪櫃冷藏約8小時。
4. 於雪櫃取出豆腐並切成小塊，最後淋上自家製「美味汁」及放上少許山葵即成。
Related Articles:
More from CosmoGirl!
由愛情到性、美容到時裝，盡在 cosmogirl.com.hk
